14/04 - 18:30 Athletic Club vs. Villarreal CF Ez galdu aukera! partida +
Blog › Bilbao bisitatu › Zuri-gorriak diren lekuak Bilbon

Zuri-gorriak diren lekuak Bilbon

Bilbo bisitatzen baduzu, leku asko ikusi behar dituzu. Eta askok, agian zuk uste baino gehiagok, nolabaiteko harremana dute Athletic Clubekin. Zuri-gorriak diren Bilboko leku horietako batzuk azalduko dizkizugu.

Udala eta foru jauregia

Jokalariak udaletxeko balkoira ateratzen dira zaleekin batera garaipenak ospatzeko, alkateak harrera egin ondoren. Gauza bera gertatzen da Foru Aldundiaren jauregiaren kasuan. Bertan, jokalariak ahaldun nagusiarekin biltzen dira eta, ondoren, Kale Nagusian bildutako jarraitzaile zuri-gorriak agurtzen dituzte balkoitik.

Bilboko udaletxeak ia mende eta erdiko historia dauka. Gaur egungo eraikina Joaquin Rucobak diseinatu eta egin zuen, eta San Anton elizaren ondoan zegoen etxetzarra ordezkatu zuen. Bertan egon zen ordura arte Udala.

Bestalde, Bizkaiko Foru Aldundiaren Jauregia funtsezko eraikina da Euskal Herriko arkitektura garaikidean, eklektizismoaren adierazpen nabarmenetako bat izanik. Proiektua 1890ean Luis Aladrenen esku utzi zen. Lanak 1890ean hasi ziren eta 1900 arte ez ziren amaitu.

Begoñako basilika

Abuztuan, Athletic Clubeko lehen lantaldeek eta Zuzendaritza-Batzordeko ordezkaritza batek ohiko eskaintza egiten diote Begoñako Ama Birjinari, Bizkaiko zaindariari.

Ekitaldia duela ia mende batetik ari da egiten, 1930ean hasi baitzen, eta minutu bateko isilunearekin amaitzen da, urtean zehar hildako bazkide eta zale guztien alde.

Begoñako Ama Birjinaren Basilikak gaina hartzen du Bilbon. Eliza, Sancho Martinez de Aregok egina, XVI. mendearen hasieran birjina agertu omen zen leku berean eraiki zen. Gotiko berantiarreko estiloko eraikina da, eta aurrealde nagusia, bereziki, errenazimentuko adibidea da, eta garaipen-arkua dauka.

Gabarra

Athletic Cluben garaipenen ikur bat badago, hori gabarra da. 2013an Asier Atutxak dohaintzan eman zion Itsasmuseumi, Bilbaoport-Bilboko Portu Agintaritzako presidentea zenean, eta, ordutik, dikearen barruan bisitatu daiteke, Museoaren bildumako pieza delarik.

1983an, eta azken titulua lortu zuenetik 27 urte igaro ondoren, Athletic Clubek bere historian zazpigarren aldiz Ligako txapeldun izatea lortu zuen. “Por el río Nervn bajaba una gabarra…”, abesti herrikoiaren leloarekin bat eginez, klubeko Zuzendaritza-batzordeak ospakizun berezi bat antolatu zuen titulu hau ospatzeko.

Horren harira, Bizkaiko aberastasun-iturri den burdina garraiatzeko erabilitako ontzi honek 1983ko maiatzaren 3an Nerbioi itsasadarra zeharkatu zuen, taldea agurtzeko bi ertzetan pilatutako ehunka mila pertsonarekin. Irudi ezabaezinak.

San Mames

Bilborako bisita ez da osoa San Mamesera, lehoien estadiora, bisita egin gabe. Estadio paregabea da, eta jarduera ugariz gozatzeko aukera izango duzu.

Adibidez, Athletic Club Museorako bisita, jatorrizko 1.000 objektu baino gehiagoz eta talde zuri-gorriaren muinean barneratzen zaituzten bideoz osatua, San Mameseko Tourra egiteko aukera emango dizu Futbolaren Katedrala barrutik ezagutzeko.

Athletic Clubek zer esan nahi duen jakiteko eta bere historia ezagutzeko modu paregabea da, eta familia-planik onenetakoa Bilbon bazaude. Erreserba ezazu Athletic Clubeko Museorako bisita.

Era berean, San Mamesen bertan indarberritu ahal izango duzu, estadioan dauden ostalaritza-guneei esker: Geuria!, La Campa de los Ingleses (asteburuetan brunch goxoa eskaintzen du), San Mames Jatetxea eta San Mames VIP Area. Partida baten aurreko giroa lau orduz sentitzeko eta bizitzeko esperientzia da, jokalekuaren ikuspegi ezin hobearekin, eta Michelin izardun chef bizkaitarrek egindako euskal gastronomiarik onena dastatzeko aukera ematen dizu. Dena, inoiz imajinatu ez duzun bezala.

Eta, azkenik, ez ahaztu zure maletan ere leku bat uztea Athletic Clubekin lotutako artikuluekin etxera itzultzeko. Athletic Clubeko lau denda dituzu, talde zuri-gorriarekin zerikusia duten produktu guztiak erosteko. Denda nagusia 0 eta 26 ateen artean dago, San Mames estadioan bertan; gainerakoak Errekalde zumarkaleko 44. zenbakian; Mazarredoko 65. zenbakian; eta Max Center merkataritza-gunean daude.

Guztietan eskura izango dituzu Athletic Clubeko koloreak dituzten artikulu ugari, hala nola banderak, kamisetak, txapelak, biserak, bufandak…

Nueva llamada a la acción