15/08 - 19:00 Athletic Club vs. Getafe CF Abisa nazazu partida +
Blog › Bilbao bisitatu › Gozatu uda musikal batez Bilbon

Gozatu uda musikal batez Bilbon

BBK Bilbao Music Legends Fest, Bilbao BBK Live, Bilbao Blues Fest… ekaina eta uztaila musikarik onenaz beteko dira Bilbon, azken hamarkadetako eta oraingo pop-rock eta blues proposamen erakargarrienekin.

BBK Bilbao Music Legends Fest

Uda honetan Bilbon egingo den lehen jaialdi handia BBK Bilbao Music Legends Fest izango da aurten ere, eta maila handiko kartelari esker ‘sarrerarik ez dago’ jartzeko bidean da. The Pretenders, The Jayhawks, Deep Purple, Canned Heat edo The Screamin ‘Cheetah Wheelies beterano eta ospetsuei izen garaikideagoak batu zaizkie, hala nola Susan Santos, Espainiako bluesaren adierazgarririk onenetakoa, eta Petti.

Jaialdiaren zazpigarren edizioa, BBK-k eta Bilboko Udalak babestua eta Dekker Eventsek antolatua, ekainaren 14an eta 15ean izango da Bilbao Arenan.

Bilbao BBK Live

Kobetamendik Bilbao BBK Live jaialdiaren beste edizio bat hartuko du, Europako jaialdi onenetako bat. Aurten, bere kartelak garai eta soinu ezberdinetako proposamenak uztartzen ditu, baina guztiak oso indartsuak. Arcade Fire, Jungle, Massive Attack, The Prodigy, Underworld, Khruangbin edo Parcels artistez ari gara, Grace Jones ahaztu gabe.

Bilbao BBK Live uztailaren 11, 12 eta 13an izango da aurten.

Bilbao Blues Fest

Jaialdi honek azken hamarkadetako bluesaren adierazpenik onenak hurbilduko ditu Bizkaiko hiriburura. Martha High & The Soul Cookers, Anson Funderburg, Mike Morgan, Shawn Pittman, Ana Popovic, Big Yuyu, The Fabulous Thunderbirds, D.K. Harrell… dira jaialdi honetan parte hartuko duten talde eta artistetako batzuk.

Bilboko Udalak bultzatutako Bilbao Blues Fest jaialdiaren hirugarren edizioak doako kontzertuak programatuko ditu Bilboko Areatzan uztailaren 25etik 28ra.

Musikarik onena… eta plan zuri-gorririk onena!

Aprobetxatu Bilboko egonaldia, zuzeneko horiez guztiez gozatzeaz gain, Athletic Cluben historian murgiltzeko, AC Museoari esker, zeinak Klubaren 125 urteetan zehar kontserbatutako jatorrizko ehunka objektu, ikus-entzunezko ekoizpenak, joko interaktiboak eta azken belaunaldiko bideowall-a murgiltzailea dituen.

Bisita horrek, gainera, San Mameseko Tourra egiteko aukera ematen du, Futbolaren Katedrala barrutik ezagutzeko.

Orain, Athletic Club Museoko bisita eta San Mameseko Tourra inoiz ez bezala bizitzeko aukera duzu, AC Virtual Adventure-ri esker, berrikuntzarako eta kirol-entretenimenduaren etorkizunerako urrats berria, errealitate birtualeko betaurrekoen eta mugimendu-sentsoreekin %100eko esperientzia murgiltzaile eta interaktibo baten bidez, zaleari unibertso birtual zuri-gorrian barneratzeko aukera ematen duena.

Erabiltzaileek athleticzale giro zirraragarrian murgiltzea lortzen dute, eta jokalari gogokoenaren avatar bihurtzeko aukera ematen die, baita Klub zuri-gorriaren mugarri nagusiak gogoratzea ere, taldeko kide sentitzea, espazioarekin eta taldekideekin elkarreragitea… eta askoz gehiago!

Eta ez ahaztu San Mamesen bertan, Geuria!, La Campa de los Ingleses taberna eta San Mames Jatetxearen eskutik sukaldaritza-proposamen erakargarria eta zabala dagoela.

Nueva llamada a la acción