Bizkaiko sukaldari onenen artean daude Athletic Clubekoak, eta zenbait eragileren laguntza jasotzen dute; besteak beste, Bizkaiko Ostalaritzako Goi Eskolarena eta Bizkaiko Txakolinaren JD-ren Kontseilu Erregulatzailearena.
Ezagutu gehiago- Hasiera
- San Mames VIP Area
- Gune Gastronomikoa
Erreferentzia izan nahi du San Mames VIP Area-k kirolaren arloan, elementu hauek elkartzen dituen proiektua sustatuz: futbola, grina, zaletasuna eta bikaintasun gastronomikoa, hots, Athletic Cluben eta Bizkaiaren ezaugarriak.
San Mames VIP Area BIZKAIKO GUNE GASTRONOMIKO bihurtzea da Athletic Cluben asmoa, hau da, sukaldaritzaren bikaintasun-eremu bilakatzea. Bizkaiko sukaldaritza mundu osoan ezagutzera eman duten sukaldariak, erakundeak, elkarteak, ekoizleak eta eskolak bildu eta aintzatetsi nahi ditu, gastronomia lurraldeko sektore turistikoaren bultzatzaile izan dadin.
Taldea
Athletic Clubeko sukaldari-taldeak gidatzen du proiektua:Daniel Garciak, Eneko Atxak, Fernando Canalesek, Josean Alijak, Julen Bazek, Jeronimo Peñak eta Vitalie Nofitek. Luxuzko hamaikako horren esku dago San Mames gastronomiaren katedral bihurtzea.
Partida-egunetan, Michelin Gidako izarrak dituzten Bizkaiko zenbait jatetxe ezagunek prestatzen dituzte San Mames VIP Area-ko otorduak: Nerua Guggenheim Bilbaok, Garenak, Azurmendik (3*), Andra Marik, Enekok, Atelier Etxanobek, Zortzikok eta Boroak, hau da, lurraldeko sukaldaritzaren ordezkaritza bikainenak.
Josean Alija
Eneko Atxa
Fernando Canales
Daniel García
Julen Baz
Vitalie Nofit
Jerónimo Pena
Bilboko Ostalaritzako Goi Eskola ere partaide du BIZKAIKO GUNE GASTRONOMIKOak. Bertako eragile gastronomikoa da Eskola, etorkizuneko profesionalak prestatzen dituena.
Bizkaiko Txakolina JD-ren Kontseilu Erregulatzaileak ere esku hartzen du, partida-egunetan, BIZKAIKO GUNE GASTRONOMIKOan, eta jatorri-deitura horretako txakolinak dastatzeko aukera eskaintzen die estadioko erdiko eraztunera doazenei Bizkaiko lurraldearen erreferentzia bihurtu dira Bizkaiko Txakolina JD eta Athletic Club, erkide dituzten zenbait balio direla medio: bertakoarekiko leialtasuna, historia eta jatorriarekiko errespetua, eta lan metodikoa, ongi egina, hasieratik proiektuaren amaierara arte.
Proiektu oso berezia da, eta horren bidez egin nahi dio Athletic Clubek bere ekarpena Bizkaiko gastronomiaren zabalkundeari, sukaldaritzaz oso bestelakoa den futbolaren mundutik.
Horrez gain, beste helburu hau ere badu: nazioartean erreferentzia izango den kirol-eremu bihurtzea San Mames, proposamen gastronomiko bikain baten bidez.
