San Mames zelaia izan da LEED ziurtagiria lortu duen Europako lehenengo eraikina.
Beraz, esan dezakegu San Mames zelai iraunkorra dela. San Mames zelaia gauza asko izan daiteke. Ekitaldiak antolatu eta hitzaldiak emateko leku egokia, Bizkaiko hiriburuko rock kontzertuetarako eszenatokia edo Europako errugbi finaletarako tokia. Orain, zelai iraunkorra dela ere esan dezakegu.San Mamesek zelai iraunkorraren ziurtagiria lortu du.
Eraikin iraunkorren LEED ziurtagiria lortu du San Mamesek, inauguratu zenetik eskuratutako beste batzuen artean. “LEED programa (Leadership in Energy and Environmental Design) US Green Building Council erakundearen eraikuntza ziurtagiri sistema da. Estatu Batuetan garatu zen, 1998an, eta eraikuntzaren etorkizuneko garapena sustatzen du, iraunkortasunaren ikuspuntutik. Structuralia erakundearen bidez.” San Mames zelaiak jaso dituen sari eta errekonozimenduen artean honakoak daude: munduko kirol eraikinik onena eta segurtasun arloko futbol zelai aitzindari gisa egiaztatzen duena. Ez dago zalantzarik; San Mames futbol zelai bat baino askoz gehiago da. Ziurtagiriak eraikinen iraunkortasun maila baloratzen du:
- Partzelan integratzeko kategoriak.
- Ura eta energia aurreztea.
- Ingurumenean eragin handirik ez duten materialak erabiltzea.
- Barneko giroaren kalitatea.
- Berrikuntza eta diseinua.
Nazioarte mailako ziurtagiririk garrantzitsuena da arlo horretan, IDOM ingeniaritzak esandakoaren arabera. Hori izan da zelaiaren diseinu eta eraikuntzaz arduratu den enpresa. Baina San Mames ez da bakarra. Badaude beste zelai iraunkor batzuk, hala nola ondokoak:
- Dublingo Aviva zelaia. Zelai iraunkorraren aitortza jasotzeko arrazoietako bat hauxe izan da: euri-ura jaso eta zelaia ureztatzeko erabiltzen dutela.
- Morro de Minerai, Rio de Janeiron. Zelai iraunkor horrek kinetic teknologiadun 200 harlauzatik gora ditu lurrean, eta jokalarien mugimendua fokuak elikatzeko energia bihurtzen du.
- Signal Iduna Park, Dortmund. Eguzki energia elektrizitate bihurtzeko sistema bat dauka.
- Amsterdamgo Amsterdam Arena zelaiak zen energia dauka, sabaiko 4.200 eguzki-panelei esker. Euri-ura ere berrerabiltzen dute.
