Futbolaren Katedralera joan nahi baduzu eta San Mameserako sarrerak nola erosi ez badakizu, ez kezkatu, guk kontatuko dizugu.
Artikulu honetan San Mameserako sarrerak nola erosi azalduko dizugu. Erraza da, baina hainbat modu daude horretarako.
San Mameserako sarrerak erosteko modua
Athletic Clubeko sarreren webgunearen bidez
Zure sarrera sofatik mugitu gabe ere eros daiteke. Athletic Club ikusteko sarrerak erosi orrian sartu besterik ez duzu egin behar. Sarrerak partida jokatu baino 15 egun lehenago jarri ohi dira salgai. Halaber, ‘Abisa nazazu’ botoian klik egin dezakezu, posta elektronikoz abisatzeko eta partida jakin baterako sarrerak noiz jartzen diren salgai jakiten lehenengoa izateko.
San Mameseko txarteldegietan
Tradizionalenetakoentzat, Athletic Cluben estadioko txarteldegietan sarrerak erosteko aukera dago oraindik. San Mamesera hurbildu eta zure sarrera eskuratu besterik ez duzu egin behar. Esteka honetan San Mameseko txarteldegien ordutegiei buruzko informazio gehiago duzu.
Zer hartzen du barne sarrera-mota bakoitzak?
San Mamesek partida bat ikusteko bi sarrera mota eskaintzen ditu: sarrera orokorrak estadioko leku ezberdinetan eta San Mames VIP Areako sarrerak vip zerbitzuekin. Athletic Clubeko sarreren webgunean nahi dituzun besaulkiak aukeratu ditzakezu eta 3D sistemaren bidez partida harmailetatik nola bistaratuko zenukeen ikusi sarrera ordaindu aurretik. Gainera, Athletic Clubeko bazkideek haientzako zuzenduta dagoen Matchday Experience promozioan parte hartu ahal izango dute. Promozio horretan, San Mames VIP Arearen denboraldiko bi partidaz ere goza dezakete prezio berezian.
Eros ezazu zure San Mames VIP Area abonua
Beste aukera bat da San Mames VIP Arearen denboraldiko abonua kontratatzea, eta futbol-palkoen gunean gozatzea eta askoz gehiago: eskaintza gastronomikoa, aparkalekua, enpresa txiki eta ertainentzako networkinga, etab. Denboraldi osorako bonua erosi nahi ez baduzu gure VIP gunera joan zaitezke Matchday San Mames VIP Area sarreraren bidez, partida bakoitzerako.
Mugikortasun urriko pertsonentzako sarrerak
Mugikortasun urriko pertsonek sarrera eskuratu ahal izango dute eta lehen harmailako azken lerroko lekuren bat okupatu. Gainera, kaletik sarbidea dute, inolako oztoporik gabe. Sarrera eskuratzeko, sarrera mota hori erosten duen pertsonaren mugikortasun murriztuaren ziurtagiria eta NAN originalak aurkeztu behar dira. Klubak doako sarrera bat emango dio harekin doanari, mugikortasun murriztuaren ziurtagiriak adierazten badu pertsona baten laguntza behar duela.
Taldeentzako sarrerak
San Mamesen partida batera 9 laguneko edo gehiagoko taldearekin joan nahi baduzu, jarri harremanetan Klubarekin email honen bidez: tickets@athletic-club.eus.
