Liga San Mamesera itzuliko da, eta gainera Athletic eta Deportivo Alavesen arteko derbiarekin. Jokoan dauden hiru puntuek, gehituz gero, hurrengo denboraldirako Europako postua ziurtatzeko helburuan jauzi bat emateko aukera emango liokete talde zuri-gorriari. Asteburu honetan Bilbon (martxoak 15-17) izango diren ekitaldietako batzuk kontatuko dizkizugu.
Ekitaldiak Bilbon 2024ko martxoak 15-17
Beste derbi bat Katedralean. Larunbat honetan, martxoak 16, Lehoiek Deportivo Alaves hartuko dute 21:00etan, Europako postuetarako lehian aldea mantentzeko jokoan dauden hiru puntu garrantzitsuen bila.
Ezin da Bilbo bisitatu bertako museoren batera joan barik, Guggenheimera adibidez. Gainera, futbolzaleek Bizkaiko hiriburuko familia-planik onenetako bat izan behar dute agendan: AC Museoa, Athletic Club Museoa.
Orain museoak AC Virtual Adventure dauka, %100eko esperientzia murgiltzaile eta interaktiboa errealitate birtualeko betaurrekoen eta mugimendu-sentsoreen bidez, eta jarraitzailea unibertso birtual zuri-gorrian barneratzea lortzen du.
Horiek horrela, erabiltzaileak giro athleticzale zirraragarrian murgildu daitezke, jokalari gogokoenaren avatar bihurtzeko, Klubeko mugarri nagusiak gogoratzeko, taldeko kide sentitzeko, espazioarekin eta taldekideekin elkarreraginean aritzeko eta askoz gehiago.
Esperientzia honek amaiera bikaina ematen dio San Mameseko Tourrari eta AC Museoari. Eskuratu zure sarrera orain eta batu zaitez Athletic Cluben unibertsoan!
Musika
Stage Live aretoan, martxoaren 15ean, ostirala, Juantxo Skalari eta La Rude Band arituko dira, eta 17an, igandea, Miriam Rodriguezen txanda izango da.
Kafe Antzokian, berriz, ostiralean, hilak 15, Zua eta Jet Lag Disorder arituko dira.
Eta Azkena aretoan, ostiralean, hilak 15, Rulo y La Contrabanda taldea arituko da zuzenean.
Antzerkia
Bitartean, Arriaga antzokian, ostiraletik igandera bitartean, ‘Romero y Julieta despiertan…’ antzezlana eskainiko da.
Azkenik, Campos Eliseos antzokian, hilaren 15ean, ostirala, Michael Jacksoni omenaldia egingo zaio Michael Legend show-arekin, eta 17an, igandea, T-Rex musika-ikuskizun familiarraren txanda izango da.
