Hasiera
Gastronomic Cathedral

Zatoz San Mameseko gastronomiaz gozatzera

Ezagutu gehiago

https://sanmames.athletic-club.eus/wp-content/uploads/2022/05/gastronomic-cathedral.jpg

Lurralde baten isla eta enbaxadore dugu Gastronomic Cathedral gunea, San Mames sukaldaritzako bikaintasunaren eremu bihurtu duena. Horra, bada, «Bizkaiko Gastronomiaren Gunea», non Bizkaiko sukaldaritza-eskaintzarik onena baitauka erreferentzia gisa Athletic Clubek eta areagotu egiten baitu haren lehiakortasuna eta ikusgaitasuna. Honenbestez, partidarik ez dagoenean ere bereganatzen du denon arreta San Mamesek.

8 Michelin izar
Jatetxea
Taberna
Sportsbar
Ambigús

Gune Gastronomikoa

Zortzi Michelin izarren jabe diren Bizkaiko jatetxeetako platerez gozatzen dute VIP erabiltzaileek «dena barne» janari- eta edari-eskaintzari esker. Hona izardun jatetxeak: Nerua Guggenheim Bilbaok, Garenak, Azurmendik (3*), Andra Marik, Enekok eta Boroak.

Ezagutu gehiago

San Mames Jatetxea

Fernando Canales —bilbotar sukaldari ezaguna eta Michelin izar baten jabea— da tradizioa eta abangoardia uztartzen dituen gune eta esperientzia gastronomiko horren arduraduna.Bizkaiko sukaldaritzaren ezinbesteko erreferentzia bihurtu den eskaintza gastronomikoagatik ez ezik, antolaeragatik ere berezia da jatetxea.

Itxura sofistikatua du, Athleticen espirituarekin eta balioekin bat datorrena: show cooking mahaiak sukaldariarengandik hurbil kokatzen du bezeroa, eta haien arteko interakzioa eragiten, taldeak hiriarekiko duen gertutasunaren adierazgarri.

Egin erreserba orain

La campa de los Ingleses

Futbolaren eta Athleticen zale amorratuentzat sortu zen La Campa de los Ingleses taberna. XIX. mendetik dator izena, marinel britainiarrek Bilbora futbola ekarri eta Athletic Cluben oinarriak jarri ziren garaietatik.

Gune gastronomikoa berezia da, ezinbestekoa: joko-zelaira begira dago, eta eskaintza gastronomiko bikaina du, kalitatekoa, erreferentzia gisa hiriko pintxo-taberna tipikoak dituena.

Egin erreserba orain

Sportsbar

Funtzio anitzeko eremua da Geuria, Athletic eta kalitateko aisia uztartzen dituena: kirol-emanaldiak, kontzertuak, DJ-en saioak, bermut-dastaketak…

Pantaila erraldoiak ditu, eta argi- eta soinu-efektu inguratzaileak, gunearen aukera guztiez gozatzeko apropos-aproposak. Horrez gain, hor duzue eskaintza gastronomikoa, xumea baina kalitatekoa: ogitartekoak, hanburgesak, pizzak, entsaladak… Aukera ederra senideekin eta lagunekin egonaldi bat egiteko.

Egin erreserba orain

Ambigús

«Poza» tabernak aurkituko dituzu San Mameseko goiko zein beheko harmailetan. Hiriaren erditik estadiora daraman kalearen izen bera dute edaritegiek. Tradizioarekiko keinu bat dira, partida hasi aurreko giroa gogorarazten duena.

“Online Taberna” ren bitartez zure eskaria egin dezakezu eta aldez aurretik ordainketa egiteko aukera daukazu, “Poza” tabernaren jasotze-puntuan jaso baino egin behar ez dezazun, aukeraketa modu eroso eta patxadatsuan eginez.

Online Taberna