San Mames estadioari katedrala esaten zaio. Hala da harmailetan sortzen den giro paregabeagatik, Athletic Clubeko jokalariek ez ezik estadiora joaten diren aurkariek ere nabarmentzen duten bezala.
Imajinatu 53.000 arima batera orroka, partida hasi baino minutu batzuk lehenagotik. Familiak kamiseta zuri-gorriarekin jantzita, bufandak astinduz. Energia berezia, desberdina. Ez da partida bat bakarrik, Athletic Club dena eta esan nahi duenaren ospakizuna da.
1. “Pitxitxi”-ren bustoa
Partidari begira, lehoirik ikonikoenetako baten bustoa: Rafael Moreno “Pitxitxi”. Soropilean bertan dago, aldageletako tunelaren irteeraren ondoan, bi aulkien artean. Talde bisitarien kapitainek lore-eskaintza egiten dute bere omenez.
1.1 Kantak
Animaziozko harmaila San Mamesen entzuten den soinu-bandaren bultzatzailea da. Abesti ezagunena, zalantzarik gabe, Athletic Cluben ereserkia da. Azken urteotan, ordea, kutsu zuri-gorriaren parte diren abestiak gehitu dira, adibidez Mikel Laboaren ‘Txoria txori’, estadioak partida bukaeran kantatzen duena, une hunkigarria delarik. ‘Shalalala, Athletic Club’ eta ‘Ikusi Mendizaleak’ euskal musika tradizionalaren erritmoak ahaztu gabe.
1.2 Txalaparta
Beste une berezi bat da, partida hasi aurretik eta atsedenaldian, txalaparta entzuten denean, antzinako euskal perkusio instrumentua, erritmikoki kolpatzen diren bi taulaz osatua, talde zuri-gorria bere herriarekin lotzen duten sustraien erakusgarri.
2. AC Museoa
San Mamesen bertan dago AC Museoa Bilbao, Athletic Cluben Museoa, jatorrizko 1.000 objektu baino gehiagorekin eta bideo interaktibo ugarirekin, 1898tik hona klub zuri-gorriaren historia errepasatzen dutenak. Bere bisita ezinbestekoa da talde zuri-gorria zerk egiten duen berezi jakiteko.
Garaikurrak eta elastiko mitikoak ikusi, harrobiak Klubarentzat duen garrantzia eta nola bizi duten Athletic Clubeko zaleek taldearekiko grina ezagutu.
3. San Mamesetik tourra
San Mamesen barneratzeko beste modu bat eta bere magia ezagutzeko estadiotik Tourra egitea da, gida edo audiogidarekin (gaztelaniaz, euskaraz, ingelesez eta frantsesez). Aldageletan, prentsa-aretoan, aulkietan… ibili.
Gida zerbitzua banaka zein taldeka kontratatzeko aukera dago.
4. Vip esperientziak
Eta ez bizi partidu bakar bat, bizi ezazu esperientzia oso bat San Mameseko VIP aukera hauekin, besteak beste, estadiorako sarbide esklusiboa, premium erosotasunak, jokoaren ikuspegi onena eta partidaren aurretik, bitartean eta ondoren barne dagoen zerbitzu gastronomikoa eskaintzen dutenak:
5. Ostalaritza
Bilbo gastronomia onena duen Europako hirietako bat da, eta San Mames ere bai. Horregatik, lehoien estadioan bertan euskal esentzia onena duen menu batez eta Fernando Canales sukaldariaren esperientziaz goza dezakezu San Mames Jatetxean, zelaira ikuspegi ikusgarriez begira.
Hanburgesak, hot-dogak, entsaladak, patatak edo ogitartekoak nahiago badituzu, San Mamesen bertan, La Campa de los Ingleses eta Geuria! kirol-taberna ere badituzu.
Bisitatu San Mames Txapeldunen Ligako partida batean eta ezagutu zergatik ezagutzen den estadio hau Katedrala bezala!
Bisitatu San Mames Championseko partida batean eta ezagutu zergatik estadio honi Katedrala deitzen dioten!
