«Katedralera» etortzea 90 minutuko futbola ikustea besterik ez dela uste baduzu, oraindik ez duzu gure estadioaren alderik esklusiboena ezagutzen. San Mames bisitatzea gertakari berezia da beti, baina San
Mameseko VIP esperientzien bidez bazatoz, partidu eguna goragoko maila batera eramango duzu.
Aukera berezi bat ospatu nahi baduzu edo familiarekin bazatoz eta erosotasun handiena nahi baduzu, San Mames VIP Arean luxuak eta grina zuri-gorriak elkarri eskua ematen dioten ingurunea aurkituko duzu.
Aukeratu zure VIP esperientzia: nola bizi nahi duzu partidua?
Athleticen zelaian hainbat aukera daude zuri hobekien egokitzen zaizuna aurki dezazun. Guztietan, partidua hasi baino ordu eta erdi lehenagotik ordubete geroago arte egongo zara estadioan. VIP sarrerarekin VIP eraztun osotik ibili ahal izango zara eta estadioko kokapen onenean eseri. Ikusi hurrengo partiduetarako eskuragarri dauden VIP sarrerak, prezioa jakiteko partiduaren eta eseri nahi duzun eremuaren arabera.
VIP esperientziek hurrengo mailara daramate zure VIP sarrera. Zenbat kostatuko zaizun jakin nahi baduzu, salmenta-prezioa esperientzia bakoitzaren eta partiduaren araberakoa dela jakin behar duzu:
- The Lion Experience: aparteko esperientzia. Sartu aldagelara protagonistak iritsi baino minutu batzuk lehenago, gozatu beroketaz zelai ondoan eta ezagutu jokalariak partidu ondoren.
- Players Zone VIP: eseri jokalarien aulkien ondoan eta ikusi beroketa eta jokoa zelaitik aurreko pantailetan, xehetasun bat ere ez galtzeko.
- Prematch VIP Tour: imajinatzen duzu partidua hasi aurretik San Mameseko Tour esklusiboa egitea? Sarrera honek estadioko bazter sekretuak ezagutzeko aukera ematen dizu, hasierako txistua jo baino lehen.
- Executive Club: partekatu partiduaren emozioa kokapen pribilegiatu batetik, Presidentearen Palko ondoan, eta gune gastronomiko esklusibo baterako sarbidea ere izango duzu.
Taldeentzako aukerak San Mamesen
- Skybox pribatua: pribatutasuna eta esklusibotasuna bilatzen duten lagun talde edo enpresentzako espazioa, jokalekuaren ikuspegi panoramikoekin.
- San Mameseko palkoak: aukera ezin hobea pribatutasunik handiena bilatzen duten enpresa edo taldeentzat. Denboraldi osoan zehar, zerbitzu esklusiboak eta jokalekuaren ikuspegi ezin hobeak izango dituzte.
Esklusibotasun handiena VIP eraztun osoan
San Mameseko VIP esperientzietako bat aukeratzearen abantailarik handienetako bat lasaitasuna da. Ahaztu pilaketak eta itxaronaldiak. Lehentasunezko sarbidea, egokitutako instalazioak,… dena prest dago zure kezka bakarra Katedralaren giroaz gozatzea izan dadin.
Estadioa erreferentzia da irisgarritasunean: orgentzako korridore zabalak, itzalguneak eta bainugela hornituak. Futbol-giroa kalitatezko ingurune seguruan bizitzeko modurik lasaiena da.
San Mames VIP Areako esperientzia gastronomikoa
VIP eremuan, partidua dastatu egiten da. Ez gara ogitarteko soil batez ari; Gastronomic Cathedralaz ari gara.
- Gourmet pintxoak eta autore-sukaldaritza: sukaldari famatuek prestatutako menuak.
- Erabateko inklusioa: barazkijaleentzako aukerak eta glutenik gabeko aukerak, inor baztertuta gera ez dadin.
- Txikientzako: haurren gustuak asetzeko bereziki sortutako platerak.
Hori guztia ardo eta koktel bereziekin batera, giro lasaian, partidu aurretik, bitartean eta ondoren.
Planifikatu zure VIP esperientzia
Oso erraza da esperientzia horiek erreserbatzea VIP sarrerak online erreserbatzeko sistemaren bidez. Nahikoa denboraz erreserbatzen badituzu, zure beharretara gehien egokitzen den kokapena aukeratu ahal izango duzu.
VIP esperientziaz gain klubaren historia beste une batean modu geldiagoan ezagutu nahi baduzu, ez ahaztu gure San Mames bisitatzeko gida osoa irakurtzea edo partidurik ez dagoen egun batean San Mameseko Tourra egitea.
