Europa League: Ligako Faserako bonuak

Astelehen honetatik (abuztuak 26) irailaren 10era arte (asteartea), Athletic Clubek bere bazkideei Europa League ligako faserako bonu bat erosteko aukera eskainiko die, hobaridun prezioan.

Bonu esklusibo horren bidez, Athletic Clubek San Mamesen jokatzen dituen neurketetako lau sarrerak bazkideari bi sarrera indibidual erosiko balitu bezala kostatuko zaizkio (are gutxiago zenbait eserlekuetan). Hau da, hain da deskontua esanguratsua non lau partidetarako sarbidea duen bonuaren prezioa, bi sarrera solte erostearen prezioaren parekoa edo merkeagoa da.

Prezio murriztuaz gain, Ligako Faseko lau sarrereko bonua erosteak beste bi abantaila gehitzen ditu: lehenengoa, %5eko deskontua (Athletic Club sailkatuz gero) Ligako Fasearen ondorengo kanporaketako sarreren prezioan; bigarren abantailak, asistentziari lotuak, aukera gehiago dakartza aurtengo denboraldian San Mamesen egingo den Europa Leagueren finalerako zozketa hipotetiko baten aurrean. Bazkide guztiek parte hartu ahal izango dute zozketa horretan, baina bazkide bakoitzak Europa League norgehiagoketetako San Mameseko partidetara joan den adina partaidetza izango du, gehi beste bat bazkide izateagatik. Europa Leagueren kasuan, ez dago Klubari eserlekua lagatzeko aukerarik, eta bertaratze gisa zenbatuko da bazkideak edo hirugarren batek sarrera erabiltzea.

Nola eta noiz eros dezaket bazkideentzako zuzendutako bonu esklusiboa?

Abuztuaren 26ko (astelehena) 10:00etatik irailaren 10eko (asteartea) 18:00etara, esteka honetan: EUROPA LEAGUE LIGAKO FASEKO BONUAK

Lau sarreren bonu esklusiboaren prezioa 40 €-tik 110 €-ra bitartekoa da, eserlekuaren arabera.

Epe horretatik kanpo, Klubak ezin izango dio bazkideari bere ohiko eserlekua esleitu.

Era berean, baina eserlekua ziurtatu gabe, bonu esklusiboak San Mameseko txarteldegietan erosi ahal izango dira bi epeetan, ohiko ordutegietan: lehenengoa, Europa Leagueko partida jokatu aurreko LaLigako partidarekin batera (RC Celtaren neurketa izango litzateke lehen jardunaldia San Mamesen jokatzea egokituko balitzaigu); bigarrena, Europa Ligako partidaren aurreko egunean eta egun berean.

Azkenik, bonu esklusiboari uko egin eta sarrera indibidualak erosi nahi dituzten bazkideek igandetik (irailak 15tik) partidu egunera arte erosi ahal izango dituzte, bazkideentzako prezio berezietan. Hala ere, Athletic-eko beste talde batzuei eta publiko orokorrari erosteko epea ireki ondoren, Klubak ezin izango du ohiko eserlekuaren esleipena bermatu, eta gainerako zelaietan eskuragarri dagoen beste edozein erosteko aukera izango du bazkide-prezioan.
112 eta 324 blokeetako bazkide kaltetuak

UEFAk eskatuta, bazkide batzuek ezin izango dute San Mamesen Europa Leagueko partidetara joateko ohiko tokirik izan.

Zehazki, honako hauek dira kaltetuak izango diren eserlekuak:

112 blokea

1. Lerroa (1 eserlekutik 31era).
2. Lerroa (1 eserlekutik 31era).
3. Lerroa (1 eserlekutik 23ra)

324 blokea

1. Lerroa (01 eserlekutik 15era)
2. Lerroa (01 eserlekutik 15era)
3. Lerroa (06 eserlekutik 16ra)
4. Lerroa (09 eserlekutik 16ra)
5. Lerroa (11 eserlekutik 17ra)
6. Lerroa (13 eserlekutik 18ra)
7. Lerroa (07 eserlekutik 16ra)
8. Lerroa (15 eserlekutik 17ra)
31. Lerroa (29 eserlekua)

Athletic Clubek betebehar hauek eragindako eragozpenak deitoratzen ditu eta bazkideei estadioan eskuragarri dauden beste eserleku batzuetan bonu esklusiboak erosteko aukera emango die, aukeratutako eserlekuaren prezioaren %50eko deskontuarekin.

Kaltetutako bazkideentzako bonuak erosteko epea irailaren 12n (ostegunean) 10:00etan hasi eta irailaren 14an (larunbata) 18:00etan amaituko da. (ESTEKA DATOZEN EGUNETAN ARGITARATUKO DA)

Gazte Abonoa

Multzoko faseko San Mameseko 4 partidetarako bonu esklusiboa bazkideen epe berean, abuztuaren 26ko 10:00etatik irailaren 10eko 18:00etara, esteka honetan GAZTE ABONO BONUAK EUROPA LEAGUEKO LIGAKO FASERARAKO. Bonu honen prezio bakarra 100 €-koa izango da.

Ezarritako epea amaitutakoan, gainerako sarrerak Gazte Abonoarentzat eta Club Athletic-eko kideentzat jarriko dira salgai, modu independentean. Banakako sarrera bakoitzaren prezioa 35 €-koa izango da. Hau da, Gazte Abonoa bonua eskuratzeak 40 euro aurreztea dakar.

Club Athletic

San Mamesen jokatuko den Europa Leagueko multzoen faseko lehen partidarako sarreren aurre-salmenta irailaren 16an, astelehenean, hasiko da, 12:00etan, eta irailaren 18an, asteazkenean, 12:00etan amaituko da.