Sarrera horiei esker, partida hasi baino ordu eta erdi lehenago giro guztia bizi daiteke zelaian, eta partida jokatu ondorengo orduan bertan gozatzen jarraitu.
Athletic Clubek 2023/24 denboraldiko LaLigako Katedralean, Real Madriden (abuztuak 12, larunbata, 21:30ean) eta Real Betisen (ordutegia eta data konfirmatzeke) aurka jokatuko dituen lehen bi partidetarako San Mames VIP Area sarrerak salgai jarri ditu. Sarrera horiek San Mames VIP Arean kokatutako eserlekuei dagozkie, zelaiaren erdiko eraztunean kokapen aparta duten lekuak, zerbitzu esklusiboak izateaz gain.
Partidatik haratagoko esperientzia
Sarrera horiei esker, partida hasi baino ordu eta erdi lehenago giro guztia bizi daiteke zelaian, eta partida jokatu ondorengo orduan bertan gozatzen jarraitu, San Mameseko beroa sentitu eta jokoaren ikuspegi ezin hobea izan, kalitate goreneko zerbitzuekin. Zerbitzu horien artean, gastronomia nabarmentzen da, 11 Michelin izarreko taldearekin eta eraztun osoan pantailak ikusteko aukera izanda, partidarekin zuzenean, errepikapenekin eta xehetasun guztiekin.
Vip Areako sarrerak bazkideentzat 60€ – tan
Klubak ezarritako prezioa 60 €-koa da VIP sarrera bakoitzeko. Erosketaren ondoriozko VIP eserlekua besterenezina da.
Bazkide bakoitzak bi partidarako sarrera bakarra erosi ahal izango du 23/24 denboraldian. SMVA-ra sartzeko, VIP sarrerarekin batera, NANa eta bazkide-txartela aurkeztu beharko dira.
Sarrerak Athletic Cluben webgune ofizialean soilik erosi ahal izango dira, “Sarreren salmenta” atalean hain zuzen ere, “Match Day VIP Bazkidea” atalean.
Bazkide-kodea eta PIN zenbakia sartu beharko dira bazkide gisa baliozkotzeko eta erosketa gauzatzeko. Bazkideek VIP sarrerak prezio berezian erosi ahal izango dituzte partida hasi aurreko eguneko 23:59ak arte.
Partida jakin baterako sarrerak erosteko aukera beti irekiko da San Mamesen jokatutako aurreko partida amaitu eta hurrengo astelehenean.
