27/09 - 19:00 Athletic Club vs. Getafe CF Sarrerak erosi partida +
Blog › Bilbao bisitatu › Bizi Aste Santu zuri-gorria!

Bizi Aste Santu zuri-gorria!

Bilbo bisitatzen baduzu egun hauetan kolore zuri-gorriko Aste Santua bizi ahal izango duzu. AC Museoak eta bere Tourrak egunero egongo dira zabalik, San Mameseko ostalaritzako gure egoitzek bezala, lehoi bat bezala goza dezazun zure oporraldiaz.

Aste Santua Bilbon

Aste Santu honetan Bilbon bazaude, espiritu zuri-gorria duten plan ugariz gozatu ahal izango duzula jakitea gustatuko zaizu.

Horiek horrela, Athletic Club Museoak zein San Mameseko Tourrak ez dute oporrik hartuko. Aitzitik, egunero egongo dira zabalik, 10:00etatik 20:00etara. Hortaz, Athletic Cluben ehun urtetik gorako ibilbidearen une handietara hurbildu ahal izango zara, Museoaren Artxibotik hautatutako 1.000 pieza eta 900 bideo baino gehiagori esker. Horiek guztiak talde zuri-gorriaren historia xehatzen duen eta ondare kolektibo baten balioa ematen duen ibilbide museografiko batean aurkezten dira.

AC Museora bisita San Mameseko Tourrak eskaintzen duen esperientzia ahaztezinarekin batera egingo da. Estadioaren erraietatik eta partida egunetan giro zuri-gorria nabaritzen den geletatik egiten den ibilbidea da: aldagelak, prentsa-aretoa eta, jakina, soropila eta harmailak. Pitxitxiren busto ikonikoa ahaztu gabe, noski.

San Mamesen jan

Eta beste albiste on bat: San Mames Jatetxea (13:00-00:00), La Campa de los Ingleses taberna (10:00-19:00) bezala, Aste Santuan ere egunero zabalduko dituzte ateak. Horiek horrela, Fernando Canales sukaldariak zuzentzen duen jatetxearen eskutik, Bizkaiko nortasun gastronomikoan murgildu ahal izango zara, esparru paregabe batean. Produktuak eta zaporeak San Mames Jatetxean bat egiten dute, gune paregabe batean esperientzia goxoa sortzeko.

Era berean, La Campa de los Ingleses tabernan hainbat aukera izango dituzu jateko: eguneko menua, asteburuko menua, haurrentzako menua eta brunch ikusgarria larunbat eta igandeetan, 10:30etik 12:45era.

Geuria

Eta ez dugu ahaztu behar Geuria, San Mameseko kirol-taberna, non menu zabala eta zureekin RCD Espanyolen eta Athleticen arteko norgehiagoka ikusteko aukera izango duzun larunbatean, apirilak 8, 16:15ean.

Eta ez edozein modutan, gure LED pantaila zabalekin murgilduz baizik. Era berean, astebete geroago Errealaren aurkako derbiaren atarikoa (apirilaren 15ean, 16:15ean) bertan bizi ahal izango duzu.

Beraz, Aste Santu honetan Bilbora bazoaz, apuntatu plan horiek guztiak zure agendan, egun batzuk gorriz eta zuriz bizitzeko.

Nueva llamada a la acción