Ostegun honetan, 21:00etan, 2024/25 Europa Leagueko 3. jardunaldiko partidara joango diren pertsonek aintzat hartu beharreko datu interesgarriak.
Athletic Clubek Slavia Praha taldearen aurka jokatuko du San Mamesen ostegun honetan Europa Leagueko 3. jardunaldiko neurketa. Jarraian, Katedralera bertaratzen diren pertsona guztientzat interesgarriak diren datuak azalduko dira:
ATEAK IREKITZEA
San Mamesera sartzeko ateak 19:45etik aurrera egongo dira zabalik. Mesedez, etorri garaiz, zelairarako sarrera arintzeko, azken orduko pilaketak saihesteko eta partidaren hasieraz lasai gozatu ahal izateko.
SARBIDEA BAZKIDE EDO GAZTE TXARTELAREKIN
Bazkideak San Mamesera sartzeko dokumentua honako hau izango da:
- Txartela (fisikoa edo digitala app-an) Europa Leagueko Liga Faseko lau partidetako bonua aktibatu duten bazkideentzat.
- Sarrera fisikoa San Mamesen Europa Leagueko Liga Faseko lau partiden txartela txarteldegietan aktibatu duten bazkideentzat.
Sarrerak partida jakin batentzat erosi dituztenek (bazkideak, Gazte Abonoa, publiko orokorra) partida bakoitzerako sarrera berezia erakutsi beharko dute tornuetan.
TXARTELA LAGATU
Partida honetarako bazkide-txartela lagatzeko aukera egongo da. Aukerak:
1. Beste pertsona bati lagatzea:
App ofizialaren bidez (Nire bazkide-txartela atala) edo Bazkideen Txokoan (Lagapena/San Mameserako sarbidea atalan).
• Partida hasi baino 2 ordu lehenagora arte laga dezakezu (lagapena berreskuratu ahal izango duzu soilik lagapena ez onartzekotan).
SARREREN SALMENTA
San Mameseko 6. eta 7. ateen artean dauden lehiatilak ordutegi honetan irekita egongo dira
- Asteazkena, urriak 23, 10:30etik 13:30era eta 17:30etik 20:00etara.
- Osteguna, urriak 24, 10:30etik 13:00etara eta 19:00etatik aurrera partida hasi arte.
Gainera, online salmenta uneoro dago aktibatuta partida hasi arte. Sarrerak online erosi.
Publikoak pertsona bakoitzeko lau sarrera bakarrik erosi ahal izango ditu, sarrerak agortu arte.
San Mames VIP Area sarrerak
San Mameseko erdiko eraztuneko Matchday Experience sarrerak ere salgai daude, Katedralean esperientzia bakarra bizitzeko.
San Mames VIP Area sarrerak erosi
Sarrerak A, D eta E ateetatik egingo dira (ikusi San Mameseko planoa artikulu honen amaieran).
DENDAK
San Mameseko denda ofiziala (San Mameseko 26 eta 0 ateen artean) ohiko ordutegian egongo da zabalik, 10:00etatik 23:45era, etenik gabe.
Gogoratu Athletic Clubeko online dendan ere egin ditzakezula eskaerak.
OSTALARITZA ZERBITZUAK
Egin zure eskaera ostegun honetako partidarako, ordaindu online eta jaso ezazu San Mamesen esleituta duzun ‘Poza tabernan’. Partida hasi baino 24 ordu lehenagotik, zure eskaera egin dezakezu Online Tabernan, partidaren atsedenaldian ilarak saihesteko. Futbol zelaian zehar banatutako anbiguetan produktu ugariz goza dezakezu.
Gozatu Geuria! San Mameseko 13. atearen ondoan dagoen gure sports tabernan, 18:00etatik 01:00ak arte, edarien eta janarien eskaintza zabalarekin eta partida pantaila erraldoietan ikusteko aukerarekin. Matchdayren Eskaintza eskuragarri. La Campa de los Ingleses tabernak 9:30etatik 18:00etara irekiko ditu ateak, gosariak eta eguneko menuarekin.
Gainera, San Mames Jatetxea irekita egongo da 13:30ettik 17:00etara ohikoa den eskaintzarekin. Afaririk gabe.
AC MUSEOA ETA SAN MAMES TOURRA
Athletic Club Museoa bisitatu ahal izango da (20. atearen ondoan) 10:00etatik 19:00etara. Tourraren azken bisita 11:15ean amaituko da dendan.11:15etik 19:00etara, museoa soilik bisitatu ahal izango da.
