Lehoiek FC Barcelona, Reala eta Real Madrilen aurka San Mamesen jokatuko dute

Klubak publiko orokorraren eskura jarri du hiru partidetarako sarrera barne hartzen duen pack bat.

Athletic Clubek F Ligako hiru partida jokatuko ditu denboraldi honetan San Mamesen: FC Barcelona (15. J, urtarrilaren 18a), Reala (19. J, otsailaren, 15-16) eta Real Madril (20. J, martxoaren, 1-2). Gainera, Klubak lehen aldiz publiko orokorraren eskura jartzen du hiru partidetarako sarrera barne hartzen duen pack bat erosteko aukera.

Hiruretako lehena, Athletic Club – FC Barcelona norgehiagoka, Liga F-ko 15. jardunaldiari dagokiona, urtarrilaren 18an, larunbatean, 16:15ean, San Mamesen jokatuko da. Zurigorriek 2025ean etxean jokatuko duten lehen partida izango da eta lehenengo itzuliaren itxiera.

Jarraian, kolektibo bakoitzak partida horretarako sarrerak eskuratzeko prozedura eta denborak zehazten dira.

BAZKIDEAK

Athletic Clubeko bazkideek San Mamesen FC Barcelonaren aurka jokatuko den neurketa ikusteko sarrera 0 euroren truke erosi ahal izango dute. Zelaira sartzeko EZ da bazkide-karneta erabiliko; beraz, bazkide bakoitzak sarrera atera beharko du. Eserleku hori zenbakitua izango da, eta ez da nahitaez, ohiko eserlekua izango.

Gainera, bazkideek hiru sarrera gehiago erosi ahal izango dituzte, 10 eurotan (+1,50 € kudeaketa gasturako) helduentzat eta 5 eurotan (+1,50 € kudeaketa gasturako) 14 urtetik beherakoentzat.

Salmenta orokorra ireki ondoren, abenduaren 30ean, astelehenean, goizeko 12:00etan, bazkideek sarrera trukatzen jarraitu ahal izango dute, baina eserlekua aukeratzeko lehentasunik gabe.

EROSI BAZKIDEEI ZUZENDUTAKO SARRERAK

CLUB ATHLETIC KIDEAK

Club Athleticeko kideek ere euren sarrera doan eskuratu dezakete. Behin salmenta orokorra irekita, sarrera doan trukatzen jarraitu ahal izango dute.

CLUB ATHLETICEKO KIDEENTZAKO SARRERAK EROSI

GAZTE ABONOAK

Bestalde, Gazte Abonoak eserleku bat Ipar Beherko Tribunan doan erreserbatu dezake urtarrilaren 6ra arte. Horrez gain, sarrera gehigarri bat erosi ahal izango dute 10 eurotan (+1,50 € kudeaketa gasturako). Urtarrilaren 4tik aurrera, IBT-ko sarrerak publiko orokorrarentzat jarriko dira salgai.

GAZTE ABONOA SARRERA EROSI

SALMENTA OROKORRA

Publiko orokorrarentzako sarreren salmenta online aktibatuko da abenduaren 30ean, astelehenan, 12:00etan. Helduentzako sarrerek 10 eurotik aurrera balioko dute (+1,50 € kudeaketa gasturako) eta 14 urtetik beherakoenentzat 5 eurotik aurrer (+1,50 € kudeaketa gasturako).

LIGA F-KO 3 NEURKETETARA PACK-A

Gainera, Klubak 20 eurotik aurrera Athletic Clubek denboraldi honetan San Mamesen jokatuko dituen hiru partidetarako sarreren pack-a erosteko aukera eskaintzen die bere zaleei. Neurketen sarrera sorta hau San Mameseko 3 bloke espezifikotan izango da eskuragarri: 127. blokea Tribuna Nagusian, 117. blokea Ekialdeko Tribunan eta 123. blokea Hegoaldeko Tribunan.

3 neurketetako pack-a, 20€-tik aurrera