Rock ‘n’ roll bikoitza larunbat honetan, martxoak 9, Geuria!-n, Kotta eta El Pacto Rock Band talde bizkaitarrekin San Mameseko kirol-tabernaren oholtza gainean.
Kotta 2017an sortu zen, nahiz eta taldekide guztiek hainbat hamarkadatako ibilbide musikala izan hainbat taldetan (Shisha Pangma, Robert Rodrigo Band, The Associados, Gontzal Mendibil…).
Taldearen lehen diskoa ‘Son of man’ da, A.O.R. laurogeiko hamarkadako rock amerikarraren inguruan mugitzen diren zazpi kantu.
Kottaren soinu-erreferenteen artean, Toto, Foreigner, The Who edo The Police taldeak eta Steve Lukather, David Paich eta Michael Landau musikariak daude, besteak beste.
Kotta taldeko kideak Alberto Barañano, Francisco Martinez, Carlos Albeira eta Angel Bañuelos, Jose Brañas eta Javier Urrejola dira.
Bestalde, El Pacto Rock Band taldeak Bruce Springsteenen abesti onenetan murgilduko gaitu, bere kanturik ikonikoenen interpretazio magistralekin.
Iragana eta oraina lotzen dituen esperientzia musikala da, ‘The Boss’-en esentziara hurbilduz.
Mario Marodan, Juan Carlos Gomez, Javier Alzola, Ramon ‘Montxu’ Escobar, Gontzal Alonso eta Alberto Egia dira El Pacto Rock Band taldeko kideak.
Musika ekitaldi berri hau Geuria!-n 20:00etan hasiko da. Kartel bikoitzeko kontzertu honetarako sarrera (10-12 euro) eskura dezakezu webgune honetan.
