Europako txapelketa itzuliko da San Mamesera. Futbolak Athletic Clubek Viktoria Plzenen aurka jokatuko duen norgehiagokarekin agurtuko du urtarrila Katedralean. Egun hauetan Bilbon izango diren ekitaldi batzuk azalduko dizkizugu, gozatu ahal izango dituzunak hirira bazatoz Europa Leagueko partida hau ikustera.
Bilboko ekitaldiak (2025eko urtarrilaren 30etik otsailaren 2ra)
Europako partida batean San Mameseko giro paregabea bizitzeko Bilbora bazatoz, zure egonaldia hiriko leku asko bisitatzeko, gastronomiaz gozatzeko eta egun hauetako ekitaldi kultural batzuetara joateko baliatu ahal izango duzu.
Zure asmoen artean, ezin da falta AC Museora, Athletic Cluben Museora, bisita bat egitea, talde zuri-gorria zerk bereizten duen jakiteko. Museo honek 1.000 objektu eta artikulu ditu, gure taldearen paregabeko esentzian barneratzeko.
Museora egiten den bisitak San Mameseko Tourraren esperientzia ahaztezina eskaintzen du. Estadioaren zati handi bat eta partida egunetan giro zuri-gorria duten guneak bisitatzen dira: aldagelak, prentsa aretoa eta, jakina, soropila eta harmailak, Pitxitxi busto ikonikoaz gain.
Zeharkatu Katedrala eta sentitu San Mamesen, lehoien etxean, futbolariek eta zaleek bizi ohi dituzten sentsazioak. Lor ezazu zure sarrera.
Musika
Asteburu honetan, Fito y Fitipaldisen abestiak kantatzen dituen talde baten, Kike Babasen eta La Desbanda eta Buen Castigoren kontzertuak izango dira ostiralean, hilak 31, ‘Fitipaldi’ izeneko festaren barruan Azkena aretoan. Otsailaren 1ean, larunbata, Diagnostico Binario eta Aguanieve bandak igoko dira oholtzara.
Bestalde, Kafe Antzokiak ‘Hay poco Rock ‘n’ Roll’ ohiko jaialdia egingo du ostiral eta larunbatean, Bribriblibli (Extremodurori omenaldia), Los Platero (Platero y Tu-ri omenaldia) eta Triscando en la Hierba (Mareari omenaldia) taldeekin. Urtarrilaren 31rako, ostirala, sarrerak baino ez dira geratzen.
Antzerkia
Bitartean, Arriaga antzokian ‘1936’ antzezlana taularatuko da asteburu honetan, Antonio Duran ‘Morris’, Alba Flores, Natalia Hernandez eta Maria Moralesekin, besteak beste.
Halaber, Campos Eliseos antzokian, otsailaren 2ra arte, igandea, Galder Varasen ‘Esto no es un show’ umorezko bakarrizketarako eta She rap kantariaren kontzerturako (otsailak 1, larunbata) tartea egongo da.
