Lehoiek otsaileko azken partida jokatuko dute etxean igande honetan, hilaren 23an, 14:00etatik aurrera. Katedralean Real Valladolid izango dugu bisitari. Asteburu honetan Bizkaiko hiriburuan egingo diren ekitaldi batzuen berri ematen dizugu, Bilbo bisitatzen baduzu interesgarriak izan daitezkeenak.
Bilboko ekitaldiak (2025eko otsailaren 21etik 23ra)
Athleticek Valladoliden aurka jokatuko du igande honetan San Mamesen, LaLigako 25. jardunaldiko partidan.
Asteburu honetan partidara joateko Bilbo bisitatzen baduzu, jakin behar duzu Bizkaiko hiriburuak aisia, kultura eta gastronomia eskaintza zabala duela eta gero eta familientzako plan gehiago dituela.
Azken horien artean, AC Museoa nabarmentzen da, Athletic Cluben Museoa. Museo honi esker, bisitariak bertatik bertara ezagutu dezake zer egiten duen talde hau unique in the world izateak. Hori guztia gure klubaren 125 urte baino gehiagoko historia duten 1.000 objektu eta artikuluei esker.
Museoaren bisitarekin batera, esperientzia paregabea dago, San Mameseko Tourra, ibilbidean estadioaren zati handi bat eta bere gela nagusiak ikus daitezke: aldagelak, prentsa-aretoa, soropila, harmailak eta, jakina, Pitxitxi busto ikonikoa.
Gozatu AC Museoaz eta Katedralaz, familia-plan onenetako batean Bilbon. Lortu zure sarrera.
Musika
Asteburu honetan, ostiralean, hilak 21, Tregua eta Punk Sailor taldeen kontzertuak izango dira Azkena aretoan. Otsailaren 22an, larunbata, Madrilgo La Cendejas artista eta konpositorea igoko da agertokira.
Bestalde, Kafe Antzokiak ostiralean Santero Y Los Muchachos talde valentziarraren kontzertua ospatuko du, eta larunbatean Bad Soundena.
Antzerkia
Bitartean, Arriaga antzokian “El Cuarto de Atrás” antzezlana taularatuko dute asteburu honetan Emma Suarezek eta Alberto Iglesiasek.
Halaber, Campos Eliseos antzokian, otsailaren 23ra arte, igandea, Faemino y Cansadoren “17 veces reloaded” ikuskizunerako tartea egongo da, eta hilaren 21ean, ostirala, Gorka Aginagalderen eta Iñigo Salineroren “Todo sobre mi abuela” umorezko ikuskizunerako.
