Itzuliko da LaLiga San Mamesera! Eta ez du edozein partidarekin egiten, derbiarekin baizik. Athletic Clubek Reala hartuko du (azaroak 24, igandea, 21:00etan) jokoan hiru puntu garrantzitsu dituela Europako postuetan sendotzeko.
Bilboko ekitaldiak (2024ko azaroaren 22-24)
Liga txapelketa San Mamesera itzuliko da nazioarteko partidengatik izandako etenaldiaren ondoren, denboraldiko partida nagusietako batekin, Realaren aurkako derbiarekin.
Aurten, Players Zone Vip esperientzia berriari esker, soropilean bertan egongo bazina bezala gozatu ahal izango duzu.
Players Zone Vip bidez partidaz goza daiteke jokalariekin eta talde teknikoarekin soropilaren parean. Entrenatzailearen aginduak entzun eta partidako jokaldi guztiak eroso ikusiko dituzu eserleku pribilegiatu batetik.
Guztira 16 eserleku dira, aulkien ondoan, zortzi eserlekuko bi bloketan banatuta. Premium besaulki horiek telebista-monitoreak dituzte, jokaldi nabarmenen errepikapenak bizi ditzazun, eta piknik oso bat, partidan zehar ezer falta ez dakizun.
Gainera, esperientzia hau eskuratzeak barne hartzen du San Mames VIP Areara partida hasi baino ordu eta erdi lehenagotik sartzea, Michelin izarra duten sukaldari bizkaitarrekin batera lehen mailako proposamen gastronomiko batez gozatzeko.
Players Zone VIPek partidaren aurreko beroketa ikuspegi paregabetik jarraitzeko aukera ere eskaintzen du, hots, soropilean bertan. Eta partidaren amaieran, erabiltzaileek beste ordubetez jarrai dezakete esperientzia San Mames VIP Arean.
VIP baimen hau 2024/25 denboraldiko Liga, Kopa edo Europa Leagueko edozein partidatarako erosi ahal izango da 425 €tik (BEZa barne).
Eta gogoratu San Mames ostalaritzako establezimenduetan – San Mames Jatetxea, La Campa de los Ingleses eta Geuria! – zure gustuetara gehien egokitzen den menua dastatu ahal izango duzula partida topera bizitzeko.
Musika
Asteburu honetan, Victor Rutty eta Malezza arituko dira Stage Live aretoan.
Bestalde, Kafe Antzokiak ostiralean The Reverendos + The Big Flyers + Arnau & The Honky Tonk Losers + 3 From Hell taldearen “See You Later Reverendo” kontzertua antolatuko du, eta larunbatean El Canijo de Jerez eta La Banda Magneticak egin duen biraren amaierakoa.
Eta Azkena aretoan, ostiralean Cuerda arituko da zuzenean, eta egun bat geroago, Alvaro Mayo.
Antzerkia
Bitartean, Arriaga antzokian, “Pedro eta Otsoa” haurrentzako antzezlana taularatuko da asteburu honetan.
Halaber, Campos Eliseos antzokian, ostiralean “Una pequeña historia” antzezlanaren txanda izango da, eta larunbatean Sole Gimenezen kontzertuarena.
