Athletic Clubek, Bilboko Udalak eta Bilbo Intermodalak bat egin dute partida egunetan mugikortasun iraunkorra bultzatzeko eta bertaratzea sustatzeko.
Athletic Mugituz, partida egunetan Klubak irisgarritasunaren eta mugikortasun iraunkorraren alde abian jarritako ekimena, 2024/25 denboraldirako Bilboko Udalarekin eta Bilbao Intermodalarekin elkartu da zerbitzua eskaintzeko. San Mamesera autobusez joan ohi diren peñek Bilbo Intermodala izango dute eskura, eta tarifa hobaridunak izango dituzte denboraldiko erreserbak egiteko. Era berean, Athletic Mugituz ekimenarekin bat egin eta denboraldi berriari begira autobusez bidaiak antolatu nahi dituzten kolektibo zuri-gorriek ere aukera hau izango dute.
Hortaz, Bilbo Intermodalak alternatiba eraginkorra eta sozialki arduratsua eskainiko du kokapen estrategiko batean autobusez egiten diren joan-etorrietarako, estadiotik urrats batera, eta bidaia antolatuen operadoreen neurrira egindako zerbitzuarekin. Intermodalak bidaiarien kudeaketa pertsonalizatua erraztuko du etorreretan eta irteeretan, giro eroso eta atseginean, erabiltzaileen (kafetegiak eta jatetxeak) eskura dauden zerbitzuekin eta meteorologia-eraginetatik babestuta.
Denboraldi osoko partidetarako autobuseko joan-etorriak planifikatzen dituzten peña eta kolektibo athleticzaleek Bilbo Intermodalean izango dute konponbide bat baldintza oso egokietan, eta, gainera, dartsena-zerbitzua eta erregulazio-zerbitzua bermatuko dira.
Athletic Mugituz 24/25
Athletic Mugituz 24/25 berriarekin bat egin nahi duten peña eta kolektibo athleticzaleek erreserbatu dezakete euren plaza eta tarifei eta erabilgarritasunari buruzko informazio gehiago eskuratu, bi modu hauen bitartez:
- Bilbo Intermodalaren bidez, 944200869 telefonoan.
- Eskaera email honetara bidaliz: info@bilbaointermodal.eus
Erreserba partidaz partida itxi nahi dutenek, Intermodalaren web orriko argibideei jarraituz egin beharko dute, lineaz kanpoko zerbitzuen atalean, eta tarifaren prezioak aplikatuko dira.
Bilbo Intermodaleko espazioa mugatua denez, overbooking-en kasuan, lehentasuna izango dute denboraldiko erreserbek eta erreserbaren ordena sekuentzialaren arabera.
