Bilbao-Bizkaia nazioarteko errugbiaren erdigune bihurtuko da Europa hegoaldean, berriz ere, datorren udan. 2024ko ekainaren 22an, Frantziako selekzioak partida izango du San Mamesen munduko World XV konbinatuaren, bi hemisferioetako errugbilaririk onenetakoak bilduko dituen taldearen, kontra. Partida horrek hasiera emango dio Frantziaren udako birari. <\/p>\n\n\n\n
Ekitaldiak Bilboko Udalaren eta Bizkaiko Foru Aldundiaren babes osoa izango du, Bizkaiko hiriburuak berriz ere nazioarteko errugbiaren jai handia bizi dezan, 2018an Errugbiko Europako Finala izan zenean bezala, eta San Mamesen berriz ere 2026an egingo denean izango dena bezalakoxea<\/strong>. Gainera, Euskadiko eta Espainiako Errugbi Federazioek ere lagunduko dute.<\/p>\n\n\n\n Juan Mari Aburto, Bilboko alkatea, ilusio handiz mintzatu da: \u201cKirol-ekitaldi hau Bilbon egitea, guretzat, 2018ko Europako finala bertan egin genuenean bizi izandako grina berriz bizitzea da, Europako errugbiko garrantzitsuenetakoa baita, eta orduan irten baitzen lehen aldiz Sei Nazioen zirkuitutik. Gertakari historiko bat izan zen, eta erronka handi bat, San Mamesen txaloka jarri gintuena eta berriz gozatu ahal izango duguna 2026ko finaletarako prestatu bitartean. Mugarri eta gertakari berriak dira, eta horietan ere beste behin erakutsiko dugu gure profesionaltasun osoa, eta harro gaudela errugbiaren balio guztiekin, nobletasunarekin, grinarekin, konpromisoarekin, ahaleginarekin eta talde-lanarekin bat datorren lurralde honetaz.<\/em>\u201d<\/p>\n\n\n\n Ainara Basurkok, Bizkaiko Foru Aldundiko Ekonomia Sustapeneko diputatuak, honako hau adierazi du: \u201c2026ko errugbi-finalak lortu ondoren, eta 2018koen arrakasta ikusita, gogo biziz jaso dugu hurrengo finaletarako bideko partida bat hemen egingo dela, gure lurraldean, punta-puntako kirol-ekitaldia baita. Kirol-ekitaldi horiek Bilbao-Bizkaia leku onean uzten dute, berriz ere frogatu ahal izateko zer garen eta zer dugun partekatzeko.\u201d<\/em><\/p>\n\n\n\n Frantziako selekzioa hirugarrena da World Rugbyren munduko sailkapenean, bigarrena Sei Nazioen azken txapelketan<\/strong>, eta aurten bleu<\/em> jokalarien artean Top 14ko jokalari onenetako batzuk izango ditu, Bilbotik hego-hemisferiora joango direnak besteak beste Argentinako Pumen kontra jokatuko duten birarako.<\/p>\n\n\n\n Ian Foster da Munduko World XV konbinatuko gidaria, aurreko munduko txapelketara arte All Blacksen entrenatzaile izandakoa<\/strong>, eta haren laguntzaile lanetan arituko da Patrice Collazo frantziarra, Montpellierreko entrenatzailea eta, horren aurretik, Top14ko beste talde batzuetakoa ere bai, esaterako, La Rochelle, Toulon eta Brivekoa.<\/p>\n\n\n\n \u201cOhore izugarria da World XV taldean entrenatzeko deitu izana; zalantzarik gabe, bizitzan behin suertatzen den aukera horietako bat<\/em>,\u201d azaldu du, hunkituta, Fosterrek.<\/p>\n\n\n\n \u201cGuztiz berezia da mundu osotik etorritako punta-puntako nazioarteko jokalariz osatutako talde bateko entrenatzaile izatea. Gainera, Frantziako selekzioaren kontra Bilbon, Euskadin, jokatzeak errugbi oldarkorreko ikuskizun handi bat sortzera bultzatzen gaitu, entseguz betea, bertaratutako euskal zaleak, Frantziakoak eta Espainiakoak show bikain batekin dibertitu daitezen.<\/em>\u201d<\/p>\n\n\n\n Konbinatuko jokalarien artean munduko onenetakoak ditugu, esaterako, Mako eta Billy Vunipola anai ingelesak, bien artean Ingalaterrarekin nazioarteko txapelketetan 75 bider baino gehiagotan aritu direnak. World XV taldean, nazioarteko bi frantses paregabe arituko dira, Maxime Machenaud uztartze-erdilaria eta Camille L\u00f3pez zabaltzailea, egun Bayonnaisen dabilena. Lehenak, oilarraren elastikoa 38 aldiz jantzi du, eta Euskalduna<\/em>k, hala esaten baitiote L\u00f3pezi haurtzaroa Euskal Herrian eman zuelako, 100 puntu egin ditu Frantziako kamisetarekin. Baieztatu dute hiru laurdeneko lerroan munduko jokalaririk desorekatzaileenetako bat dagoela, Semi Radrada fijiarra, Tokioko Olinpiar Jokoetan zazpiko errugbian urrezko domina lortutakoa eta Top14an eta Ingalaterrako Premier ligan aritutakoa. Tevita Tatafu harroinak ere jokatuko du, eta pareko mailako beste hainbatek ere bai, Fabien Galthi\u00e9ren gidaritzapeko Frantzia ahalguztidunari jarkiko zaion konbinatu indartsua osatzeko.<\/p>\n\n\n\n